من طرف الزعل غير رسومك حيل
وأشعر بالذنب لو ما تسامحني
وأشعر بالذنب لو ما تسامحني
أشوفك منفعل وأقره الزعل بالعين
وأحسه برجفة أيدك من تصافحني
من تغتاض أحس زلزال بيه يصير
تره الغيظ البعينك ما مريحني
أمان أطيني أسلم لو رحت وياك
مو نص الدرب والكاك ذابحني
صدكني الاسرار أنباكت من العين
موبيدي الدمع يهمل و فاضحني
لو أدري الوشاة بظاهر يحكمون
جنت أضحك جذب والهم يفرحني
بس غلطه غلطت والبشر ما معصوم
واذا موأنت جا ياهو اليسامحني
أحس من يوم فكدك جني مو أنسان
خيط وعلى فراش الموت طارحني
عديت الهموم وكمت أشك بالروح
أني الجارحك لو أنت جارحني
خلصت العمر مد وجزر وياك
ساعه تغيضني وساعه تمازحني
ريض ياترف وشها المرار البيك
لا ترضى بنصح لا أنت ناصحني
تواكحني وتكلي أنت عزيز هواي
معقوله عزيز آني وتواكحني
مو عشرة عمر جنها أمتحان وياك
وصعب كلش صعب يامن ينجحني
