نصرت البدر

    عيونك خرافه بنظراتك سهام

    شاطر
    avatar
    حميد الخفاجي
    مدير المنتدى
    مدير المنتدى

    عدد المساهمات : 90
    تاريخ التسجيل : 23/11/2010
    العمر : 30
    الموقع : http://h24d.own0.com/profile.forum?mode=viewprofile&u=1

    عيونك خرافه بنظراتك سهام

    مُساهمة من طرف حميد الخفاجي في الأربعاء ديسمبر 22, 2010 9:08 pm

    غزل راح انا ابطل وانسى فد نوب
    كل شي كايل بيك ماضل اي غزل

    عاندت الحروف ما ردت انا اكول
    عاندني وانكلب بيدي غزل حتى الزعل

    ردت اكتبلي قصيده بدونك انته
    رد عليه القلم كلي بدونه صدكني ملل

    انته ايه من الحسن ومن الجمال
    والي ميوصف جمالك يعني بي هو الخلل

    عاندت بيك القصيدة وبعد لا وني الحروف
    وعقلي سلم لاجلك انته ماكدر يصمد فشل
    .....
    يالليل الله شعرك نازل على الكاع
    مثل ليلة شته وبي تاهت الناس

    لذلك خفنا خاف انضيع هالنوب
    جبنا لشوفتك خلينا حـراس

    وعيونك خرافه بنظراتك اسهام
    وكلك رائع انته من الجدم للراس

    يارقه وحنان من الله وك مصبوب
    كاغد جام انته وكتلة احساس

    ولانك واحد انته وخبلت هالكون
    صرت اصل الجمال وانته مقياس

    عطرك لو تمر تتنفسه الناس
    وبدونك تضل مكطوعه الانفاس
    .....
    حاير من اوصفك دايخ شلون
    تعال وكلي انته شهالقضيه

    كبتين على صدرك وكفن اثنين
    شعجب ماصار بيهن طائفيه..؟


    وزلال الماي صدك انته بشفاك
    نهر صافي وغزير وما نشف ميه

    ايه من الحسن كل ما نوصف زين
    وبس انت الوحيد البيك فد مية

    حضارة بخصرك انته وظهرك التاريخ
    خفنا عليك جبنا وياك دورية

      الوقت/التاريخ الآن هو الإثنين سبتمبر 25, 2017 5:47 pm