من طرف كطن شفاف وترف عود انه اكول؟؟؟
انه اكول منك اشتقو كطــــــن
انه اكول منك اشتقو كطــــــن
ومن الحلاه البيك اشتقو شهد
والحسن يمك خجل حتى الحســـن
*ياني* عازف جبته منك يستفاد
صمت غنوه ولو حجيت اجمل لحــــن
من اشوفك تدري ليش اصفن عليك؟
حتى بعيوني احظننك حظـــــــــن
انه ما عارض امر ربك تموتـــ..
بس هضيمه شلون مثلك يندفـــن
و..لو تموت كون تتحنط بتين
ليش اكلك؟جه لأن مابيه فصـــم
الا*كلمه رفض بس يمك تلين
من تكول الا* تطلع كلنعــــــم
وقترحت على المتاحف كي تباع
لو علم لو خل يخلونك علـــــــم
حيرتني ينطبق شكتب عليك
بعد شكتبلك خلص حتى القلـــم
انته كلشي تكظه يتحول عكس
راح أوضح وشرح انه لناســــــي
ياسي اخضر يوم مد ايده عليه
خجل وحمر صار صدك ياســـــي
وفوكك حسنه حيل جذاب وترف
ما أبالغ جذب حتى انفاســـــــي
مره اذكر فوك راسي حط اديه
وخر ايده بيده جلب راســـــــي
