نصرت البدر

    حمام الكلب جان بحبك يطير ليش اذبحت روس الحمامات

    شاطر
    avatar
    حميد الخفاجي
    مدير المنتدى
    مدير المنتدى

    عدد المساهمات : 90
    تاريخ التسجيل : 23/11/2010
    العمر : 30
    الموقع : http://h24d.own0.com/profile.forum?mode=viewprofile&u=1

    حمام الكلب جان بحبك يطير ليش اذبحت روس الحمامات

    مُساهمة من طرف حميد الخفاجي في السبت ديسمبر 25, 2010 12:30 pm

    تغيرنه وتبدل طبع الاحباب
    ورق اشجار صرنه وبلهوه انطيح

    عين بكاع جنه وننضح اشواك
    وهسه احنه سفينه بلا ملاليح

    اذا مات النبض شصيح الكلوب
    مثل غركان ناشد عل السوابيح

    هياكل فارغه وعافتنه الارواح
    الوكت عيد وعليه شحت مراجيح

    كتلك جيب كلبك عوفه وياي
    المن عفته باقي بنوحه ويصيح

    مثل طفل بنهر عايفته الاحضان
    فتحة ريج لحلوك التماسيح

    انه صبري تعب من قحط السنين
    وتنشدني عليه وكلت مامات

    جاي تعيدني من كومة رماد
    وترجع عمر دافنته حسرات

    حمام الكلب جان بحبك ايطير
    عليمن ذبحت روس الحمامات

    وكتك عصر اظلم واني تاريخ
    سواني الزمن عبرة روايات

    يلم اجروح صبري بصمه جكليت
    ويطشهه بفرح تنزل عتابات

    وبير الجرح صاير ميه الفراك
    ذبل عطشان عمري بحبك الفات

    واني وياك صرنه الشمس والليل
    كلما نقترب نبعد مسافات

    نتلاكه بدرب بلصدفه مرات
    ميته كلوبنه بدكاتهه اتصير

    طيور اثنينه ولهفتنه جنحان
    هسه اتكصصن مانكدر انطير

    معقوله الجمعنه ايصير خطار؟
    معقوله الظلام اينشف البير!

    صفينه اجروح شجره ونزفن اوراق
    خلانه العطش لكمة مناشير

    احنه بأمل ميت شوفهه مذبوح
    أنتاني بمطر جيت عصافير
    أنتاني بمطر جيت عصافير
    avatar
    حلاوه الروح

    عدد المساهمات : 14
    تاريخ التسجيل : 27/06/2012
    الموقع : K S A

    رد: حمام الكلب جان بحبك يطير ليش اذبحت روس الحمامات

    مُساهمة من طرف حلاوه الروح في الجمعة يوليو 06, 2012 8:52 am

    يسلمووو الايادي ونتظر جديدك cheers

      الوقت/التاريخ الآن هو الإثنين سبتمبر 25, 2017 5:42 pm